TURISMOA
Beterri-Buruntzan turismo jasangarria bultzatu nahi da.
Bisitarientzako eskualde erakargarria izan dadin, ingurune paregabe honetan natura, gastronomia eta kultura nabarmenduko dira, bereziki. Beterri-Buruntzako produktu esanguratsuena sagardoa da, eta sagardogintzaz eta sagardotegiez gozatzeko aukera dauka Beterri-Buruntzako herrietara hurbiltzen den edonork.
Bestalde, eskualdeko eragileekin lan egitea da xede, eskualdeko turismo-enpresen lehiakortasuna eta jasangarritasuna hobetzen laguntzeko eta horrela, sektore turistikoaren garapena bultzatzeko. Elkarlan publiko-pribatua sustatuko da, baita eragile ezberdinen arteko elkarlana ere.
Ekintzaile, enpresa eta agente turistikoei aholkularitza eskaintzen zaie Basquetourrek dituen programetan parte hartzeko, baita egon daitezkeen dirulaguntzen inguruan ere.
Andoain Turismoa
Astigarraga Turismoa
Hernani Turismoa
Lasarte-Oria Turismoa
Urnieta Turismoa
Usurbil Turismoa
LEHIAKORTASUN PROGRAMA
Kode etikoa
Basquetour Turismoaren Euskal Agentziak kudeatzen duen programa hau eskualdeko eragile turistikoetara zabaldu eta aplikazioan lagundu nahi da. Kode Etikoaren printzipioak Nazio Batuetako 2030 Agendaren Garapen Jasangarriaren 17 helburuak eta euskal berezitasunak eta gure kulturaren ezaugarri propioak dira.
Norentzat da?
Euskadiko turismo-sektoreko erakunde eta enpresa turistikoentzat.
Zeintzuk dira helburuak?
- Eragile turistikoek bertako kultura eta tradizioa eta ondare kulturalaren errespetua eta zaintza onartzen dute.
- Bertako komunitateek turismo-jarduerekin bat egin dezaten eta onura ekonomikoak, sozialak eta kulturalak, enplegua bereziki, har ditzaten.
Eskaintzen diren zerbitzuak?
- Kode etikoaren inguruko informazioaren azalpena eta zabalkundea.
- Enpresei egiaztapena lortzeko prestakuntza-ibilbidean laguntzea.
- Konpromiso ibilbidean laguntza.
- Basquetour eta enpresen arteko zubi-lana egitea.
- Eragileei bukaera memoriaren idazketan laguntza.
- Turista arduratsuaren gidaren hedapena.
