Ongi etorri Beterri-Buruntzara!

Ongi etorri Andoain, Astigarraga, Hernani, Lasarte-Oria, Urnieta eta Usurbilera!

Mankomunitate gaztea izan arren, orain dela urte gutxi sortu zena, urte askotan zehar udaletako sailen, eskualdeko enpresen eta tokiko eragileen artean egindako lana balioan jarri nahi dut, lurraldean garapen sozioekonomikoa sustatzeko eta, horrela, herritarren bizitza hobetzeko asmoz.

Izan ere, uste dugu tokikotik jendearen beharrei erantzuna eman diezaiekegula: emakumeak ahaldunduz, pertsonen arteko harremanei eutsiko dieten sare sozialak sortuz eta zaugarritasun egoeran dauden pertsonen enplegagarritasuna hobetuz, laneratzea errazagoa eta eskuragarriagoa izan dadin.

Sektore bakoitzak trantsizio ekosozialeruntz dituen erronkei aurre egiteko behar den laguntza eta bultzada emateko lantalde prestatua eta jarrera onekoa dugu.

Horretarako, datozen urteetarako elkarlanean lan egitea proposatzen dugu, lan-ildo zehatzekin, enpresen, hainbat administraziotako teknikarien eta eskualdeko eragileen arteko sareak sortuz, gaur egungo errealitatera egokitzen diren politikak bultzatzeko.
Beterri-Buruntzak enpresa gaitasuna, giza ahalmena eta kultur aniztasuna ditu eskualdea zentzu guztietan aberastuko duten ekimen sozialak eta modernoak sustatzeko.

Webgune honetan, sektoreetako planak, sail bakoitzeko lan ildoen eta programa edo proiektuen inguruko informazioa aurkituko duzu, eskura dituzu baita ere gurekin harremanetan jartzeko bide berriak.