Beterri Buruntzako Mankomunitateko Enplegu- eta Prestakuntza Teknikariaren lanpostua betetzeko hautaketa-prozesurako deia egiten da.
Izen-ematea
Beterri-Buruntza Mankomunitateak Lanbide-Euskal Enplegu Zerbitzuaren bulegoan (aurrerantzean, Lanbide) aurkeztu du lan-eskaintza. Lanbideren webgunean argitaratu du (www.lanbide.net), “Enplegua” atalean, 162025005164 kodearekin.
Interesdunek www.lanbide.net webgunean egin ahal izango dute eskaintza. Langabeek, Lanbiden izena emanda daudenek eta lanpostu horretan interesa dutenek, 10 eguneko epea izango dute eskabidea egiteko.
Izena emateko epea amaitu ondoren (2025/04/25), Lanbidek deialdian ezarritako baldintzak betetzen direla egiaztatuko du, eta hautagaien zerrenda eta CVak bidaliko dizkio Beterri-Buruntza Mankomunitateari.
Zerrenda horren arabera egingo da hautaketa-prozesua.
Hautaketa-prozesua
Hautaketa-prozesuak honako faseak izango ditu:
- Lanbidek bidalitako curriculumean egiaztatutako datuen balorazioa
- Idatzizko proba bat egitea
- Elkarrizketa bat Mankomunitatearen bulegoetan
Irizpideak
- CVaren balorazioa irizpide hauen arabera egingo da:
- Lan-esperientzia, gehienez 17 puntu.
- Eskainitako lanpostuaren funtzio orokorren antzeko eginkizunetan esperientzia izatea. 2 puntu lan egindako urte bakoitzeko.
- Lan-esperientzia eskainitako lanpostuaren alderdi zehatzetan. 0,5 puntu lan egindako urte bakoitzeko.
- Prestakuntza, gehienez 13 puntu.
- Lanpostuarekin lotutako prestakuntza espezializatua edo osagarria. 0,25 puntu 50 prestakuntza-orduko.
- Lanpostuarekin lotutako unibertsitate-prestakuntza gehigarria. Gradua/lizentziatura. 10 puntu, doktoregoa 6 puntu; masterra 3 p; berezko titulua 1 p.
- Idatzizko probak lanpostuaren eginkizunekin lotutako bi ariketa praktiko izango ditu (ez du prestakuntzarik behar). Gehienez 60 puntu.
- Galdera eta erantzun laburren ariketa.
- Bi kasu praktiko ebaztea.
- Elkarrizketa. Lanposturako jokabide-gaitasunak baloratuko dira, eta gehienez 40 puntu lortuko dira.
Hautaketa-prozesua gainditzeko, idatzizko proba eta elkarrizketa gainditu beharko dira, gutxienez puntuazioaren erdiarekin.
Prozesuaren emaitza hautaketa-prozesuan parte hartu duten hautagai guztiei jakinaraziko zaie.
