ENPRESA
Beterri-Buruntza eremu berritzailea eta lehiakorra izatea bilatzen du Beterri-Buruntza Mankomunitateak. Horretarako, bertako enpresei lanketa guztian zehar bidelaguntza ematen zaie.
Banakako zein talde laguntza eta aholkularitza ematen zaie interesa duten eskualdeko enpresei.
Beraz, enpresaren egunerokoan erronka, zailtasun edota behar espezifikorik baduzu, jar zaitez gurekin harremanetan eta gure eskura ditugun baliabideak baliatuz, zuen bidelagun izango gara.
AHOLKULARITZA ZERBITZUA
Aholkularitza pertsonalizatua eskaintzen da eskualdeko enpresek egunerokotasunean izan ditzaketen zailtasun eta beharrei erantzuten laguntzeko; tokiko enpresa-ehuna lehiakorrago egitea da xedea.
Norentzat da?
Lehiakortasunean hobekuntza bilatzen duten eskualdeko enpresa txiki eta ertainentzat.
Eskaintzen diren zerbitzuak?
- Proiektu edo erronka zehatzetan bidelaguntza.
- Diru laguntzen kudeaketan aholkularitza eta orientazioa.
- Formakuntza aukeren identifikazioa.
Programak
Eskualdeko enpresek lehiakortasunean hobetzeko beraien beharrei erantzungo dizkien proiektuak gauzatzeko aukera izango dute alor ezberdinetan.
Zeintzuk dira zure negozioaren erronkak?
Eskualdeko enpresek lehiakortasunean hobetzeko beraien beharrei erantzungo dizkien proiektuak gauzatzeko aukera izango dute alor ezberdinetan.
Zeintzuk dira zure negozioaren erronkak?
Lehiakortasun ekonomikoa
- Digitalizazioa
Eskualdeko enpresen eraldaketa digitala sustatzea. Aholkularitza pertsonalizatua eskaintzen zaie enpresei, identifikatzen diren behar edota erronkei digitalizazioaren bitartez erantzun eta lehiakortasunean hobetzeko.
Era berean, konpetentzia digitalak lantzen dira, tailerren bitartez.
- Berrikuntza
Berrikuntzak ETEentzat duen garrantzia azpimarratzen da, garatu nahi den esparruan (ekoizpena, bezeroak, pertsonak, kudeaketa ekonomiko-finantzarioak, prozesu administratiboak, produktua eta logistika, esaterako) proiektu azkar eta eraginkorrak landuz.
- Jabegoaren ondorengotza
Negozio bakoitzaren egungo errealitatetik abiatuta, jabegoari dagokionez aurreikus daitezkeen behar eta erronka berriak identifikatzea, eta ekintza zein soluzio berriak diseinatzen bidelaguntza eskainiz.
Jarraipen zailtasunak aurreikusten dituen enpresa edo komertzioetan ere aholkularitza emanez.
- Hizkuntzen kudeaketa
Sektore pribatuan hizkuntzen kudeaketa egokiak duen garrantzian sakontzen eta lanketak bideratzen akonpainamendua emanez.
Gizarte lehiakortasuna
- Talentua
Talentu ihesa ekidin, enpresa baten langile diren pertsonen inplikazioa eta ongizatea areagotu eta antolaketa-errendimendua hobetzea ahalbidetuko duen proiektuak landuz.
Horretaz gain, pertsonen laneratzean jartzen da fokua, bidelaguntza pertsonalizatua eskainiz.
- Erreleboa
Belaunaldien arteko erreleboa eta, ondorioz, ezagutzaren galera erronka bilakatu dira azken urteetan gure gizartean; horri aurre egiteko, aholkularitza espezializatuaz baliatuz.
ingurumen lehiakortasuna
- Eraginkortasun energetikoa
Enpresa txiki eta ertainen funtzionamendu egokirako beharrezkoa den energia-kontsumoari lotutako kostuak faktore garrantzitsuetako bat dira lehiakortasunaren hobekuntza helburu gisa planteatzerakoan.
Energia-trantsiziorako bidean, enpresen energia-kontsumoak ezagutzeko eta hobekuntzak identifikatzeko aholkularitza emanez.
- Deskarbonazioa
Ekonomia berdea enpresen lehiakortasunerako giltzarri izanik, karbono aztarnaren lanketa sustatuz.
