ENPLEGUA ETA PRESTAKUNTZA
Beterri-Buruntza eskualdean enplegu aukerak sortzea eta pertsonen enplegagarritasuna hobetzea da gure xedea.
Enplegu eta prestakuntza programen bidez, pertsonen gizarteratzea eta lan munduratzea erraztu nahi dugu beraien bizitza kalitatea hobetu asmoz, beti ere, kalitatezko enplegua sortu nahian eta lan merkatuan atzeman diren enplegu beharren arabera. Horretarako zerbitzu egokor eta egitasmo ezberdinak ditugu abian:
PRESTAKUNTZA
Beterri-Buruntza Mankomunitateak, Mankomunitateak berak sustatuta eta eragile ezberdinekin elkarlanean, lan edo lanbide orok eskatzen dituen gaitasunak eskuratzeko eta/edo hobetzeko ikastaroak antolatzen ditu.
1. Langabezia egoeran dauden pertsonei zuzendutako formakuntza
Hainbat aurrez-aurreko ikastaro antolatzen ditugu lan-munduan aitortutako ziurtagiri profesionalak eta zeharkako beste gaitasun batzuk lortzeko.
Zer onura dakartza?
- Lanpostu bat lortzeko beharrezkoak diren gaitasunak eskuratzea.
- Sektoreari buruzko ezagutzak eguneratzea.
- Profesionaltasun-ziurtagiri bat eskuratzea.
- Enpresekin harremanetan jartzea, lanekoak ez diren prestakuntza-praktiken bidez.
