ENPLEGUA ETA PRESTAKUNTZA

Beterri-Buruntza eskualdean enplegu aukerak sortzea eta pertsonen enplegagarritasuna hobetzea da gure xedea.
Enplegu eta prestakuntza programen bidez, pertsonen gizarteratzea eta lan munduratzea erraztu nahi dugu beraien bizitza kalitatea hobetu asmoz, beti ere, kalitatezko enplegua sortu nahian eta lan merkatuan atzeman diren enplegu beharren arabera. Horretarako zerbitzu egokor eta egitasmo ezberdinak ditugu abian:














ORIENTAZIOA
1 Orientazio zerbitzua (Daiteke).
Lana edo prestakuntza bilatzeko laguntza behar duten eskualdeko pertsonei zuzendutako dohako zerbitzua da. Daiteke enpresak eskaintzen du (Lanbideren zentro laguntzaile gisa). Hitzordu bidez funtzionatzen du.
Pertsona bakoitzaren beharretara egokitutako aholkularitza pertsonalizatua eskaintzen da, ibilbide integral baten bidez enplegagarritasuna hobetzeko helburuarekin.
Eskaintzen diren zerbitzuen artean:
- Curriculum pertsonala prestatzea eta lanbide-profila eguneratzea.
- Irteera profesionalak aztertzea.
- Prestakuntza-aukerei buruzko informazioa ematea.
- Enplegu-bilaketa aktiboan laguntzea (autokandidatura, bilaketa-iturriak…).
- Lan-merkatuari buruzko informazioa ematea.
Hitzordu bat zehazteko deitu edo idatzi Whatsapp bidez edo idatzi posta elektronikoa.