Ekintzailetza
Ekintzailetza bultzatzea Beterri-Buruntza Mankomunitateko lan ardatz garrantzitsua da. Ildo honetan, egoera sozio-ekonomiko berriei erantzungo diten proiektu lehiakorrak sustatu nahi ditugu. Ondorioz, ekintzailetza zerbitzuko helburuak honakoak dira:
- Enpresa ideia berriak abian jartzea
- Enpresa berriak lehiakor izan daitezen baliabideak eskaintzea
- Ekintzaileak eta beraien lanaren balioa azpimarratzea
Zure enpresa sortu nahi duzu?
Zure bidelagun izango gara ekintzailetza bide osoan, ideia duzunetik enpresa martxan jartzen duzun arte. Horretarako hainbat zerbitzu ditugu zure eskura.
Zertan lagunduko zaitugu?
- Kosturik gabeko aholkularitza pertsonalizatua eta orientazioa zure enpresa sortzeko garaian.
- Negozioaren bideragarritasunaren azterketa. Nola izan daiteke bideragrria nire ideia? Zenbat kostatuko zait enpresa martxan jartzea? Negozio plana egiten lagunduko dizugu.
- Forma juridikoaren hautaketa: enpresari indibiduala, Ondasun Erkidegoa, SL, Kooperatiba… Laguntza eta aholkularitza eskaintzen dizugu enpresaren egitura ezarri eta tramite legalak gauzatzerakoan.
- Finantzaketa baliabideak. Zure proiektuak behar duen finantzazioa lortzeko laguntza eskaintzen dizugu: banketxeekin kontaktua eta baldintza onuragarrien eskaintza, bideragarritasun planen bideratzea…
- Dirulaguntzen bilaketa eta informazioa. Zein dirulaguntza eska ditzaket enpresa martxan jartzeko? Informazioa eta laguntza eskaeretan.
- Formakuntza: zure negozioa modu lehiakorrean kudeatu ahal izateko beharrezkoak diren kudeaketa gaitasunak hobetzen lagunduko dizugu.
