HAZILAN+ langabezian dauden pertsona kualifikatuei (unibertsitateko titulazioa edo LHko goi-mailako zikloa) zuzenduta dagoen laneratzeko proiektu bat da. Prestakuntza izan arren, kolektibo horrek zailtasun bereziak ditu lan-merkatuan sartzeko, bai esperientzia ezagatik, berriki amaitutako ikasketak dituzten pertsonen kasuan, edota bai gaur egun enpresek eskatzen dituzten zeharkako gaitasun eta trebetasunik ezagatik. Programak arreta berezia jartzen du, halaber, geldialdi baten ondoren lan-merkatura itzuli nahi duten emakumeengan, kasu gehienetan zainketa lanetan egon direlako.
Programaren helburu nagusia pertsona horien enplegagarritasuna eta laneratzea hobetzea da, bakoitzaren premien eta ezaugarrien araberako laguntza pertsonalizatuaren bidez. Horretarako, bi ibilbide zehaztu dira: Osatu (taldekakoa) eta Lorpen (banakakoa).
HAZILAN+ Buruntzaldean
Beterri-Buruntza Mankomunitateak 2024ko urrian jarri zuen martxan Lorpen ibilbidea eta eskualdeko bost pertsonek parte hartu zuten. Horietatik lauk lana lortu dute. Martxoa-apirila artean Lorpen eta Osatu ibilbideen edizio berria jarriko du martxan Mankomunitateak.
Enpresek gaur egun dituzten erronkei aurre egiteko helburua du programak. Ildo horretan, ekintza espezifikoak definitu dira talentua itzultzeko, enpresak deskarbonizatzeko eta zainketen sektoreari lotutako profil profesional berriak balioan jartzeko.
Sarean kudeatutako proiektu bat
HAZILAN+, Garapen Agentzien Euskal Elkartea eta 16 garapen-agentzien eta erakunderen arteko lankidetza-proiektua da. Hauek, Araban, Bizkaian eta Gipuzkoan ekimen honekin bat egin nahi duten pertsonen eta enpresen eskaerei erantzugo diete.
Hauek dira proiektuan parte hartzen duten agentziak: Amurrio Bidean, Erandioko Udala, Iraurgi Berritzen, Leioako Udala, Goieki, Lauidoko Udala, Beterri Buruntza, Uggasa, Debegesa, Oarsoaldea, Urola Kostako Udal Elkartea, Debagoienako Mankomunitatea, Mungialdeko Behargintza, Tolosaldea Garatzen, EGAZ Txorierri y Lanbide Ekimenak.
Proiektuak 2.102.450 euroko aurrekontua du eta, gutxienez, 1.400 pertsonarekin lan egitea aurreikusten da. HAZILAN+ Euskadiko EGF+ 2021-2027 programaren baitan kokatzen da eta Europako Gizarte Funtsak % 40an finantzatzen du.
Informazio gehiagorako idatzi enplegua@beterriburuntza.eus korreora.
