TURISMOA
Beterri-Buruntzan turismo jasangarria bultzatu nahi da.
Bisitarientzako eskualde erakargarria izan dadin, ingurune paregabe honetan natura, gastronomia eta kultura nabarmenduko dira, bereziki. Beterri-Buruntzako produktu esanguratsuena sagardoa da, eta sagardogintzaz eta sagardotegiez gozatzeko aukera dauka Beterri-Buruntzako herrietara hurbiltzen den edonork.
Bestalde, eskualdeko eragileekin lan egitea da xede, eskualdeko turismo-enpresen lehiakortasuna eta jasangarritasuna hobetzen laguntzeko eta horrela, sektore turistikoaren garapena bultzatzeko. Elkarlan publiko-pribatua sustatuko da, baita eragile ezberdinen arteko elkarlana ere.
Ekintzaile, enpresa eta agente turistikoei aholkularitza eskaintzen zaie Basquetourrek dituen programetan parte hartzeko, baita egon daitezkeen dirulaguntzen inguruan ere.
Andoain Turismoa
Astigarraga Turismoa
Hernani Turismoa
Lasarte-Oria Turismoa
Usurbil Turismoa
Urnieta Turismoa
PRODUKTU PROGRAMAK
Euskadi Gastronomika
Eusko Jaurlaritza eta Basquetour Turismoaren Euskal Agentziak sustatuta. Euskadiko produktu turistiko gastronomikoaren balioak eta benetako euskal kultura gastronomikoan oinarritutako lan-filosofia partekatzen duten eragileen sarea sustatuko da.
Norentzat da?
Enpresa turistiko (jatetxeak, sagardotegiak, tabernak, ekoizle bisitagarriak, ostatu gastronomiko, denda espezializatuentzat…).
Zeintzuk dira helburuak?
- Turismo eragileen artean Euskadi Gastronomika programa ezagutaraztea.
- Euskadi Gastronomika Balioen Gutuna zabaltzea eragileen artean.
- Euskadi Gastronomika sareko beste kide batzuekin lankidetza sustatzea.
- Eragile turistikoei euskarri teknikoa eskaintzea.
- Enpresaren posizioa/irudia eta lehiakortasuna hobetzea.
Eskaintzen diren zerbitzuak?
- Enpresa turistikoei programa honek dituen eskakizunetan laguntzea.
- Turismo gastronomikoko produktua edo zerbitzua hobetzeko laguntza.
- Turismo enogastronomikoaren sareko beste eragile batzuekin ezagutza partekatzea.
- Produktu edo eskaintza bateratu erakargarriagoa eta lehiakorragoa sustatzeko ekimenak sustatzea.
Familia Turismoa
Familia Turismoan erreferente bihurtu nahi duten enpresak biltzen ditu programak. Euskal Autonomi Erkidegora gazteekin bidaiatzea erabakitzen duten familien beharrak asetzeko, ezarritako betebehar guztiak bermatu behar dira.
Norentzat da?
Enpresa turistikoentzat (ostatuak, enpresa eno-gastronomikoak, turismo-zerbitzuetako enpresak…).
Zeintzuk dira helburuak?
- Euskadiko turismo-sektoreko enpresetatik eskaintza espezializatua eta haurrak dituzten familiei eskaintzen zaizkien zerbitzuak etengabe hobetzea.
Eskaintzen diren zerbitzuak?
- Enpresa bakoitzaren elementuak, ekipamenduak, instalazioak, zerbitzuak eta jarduerak, estrategia eta kudeaketa aztertu.
- Enpresak bisitatu, programan atxikitzen laguntzeko.
- Familia Turismoa Euskadin Klubaren arau-dokumentua oinarritzat hartuta, enpresa bakoitzaren diagnostiko-txostena egin.
- Instalazioak, zerbitzuak eta kudeaketa baloratu, familia-turismoaren baitan.
