EKINTZAILETZA
Ekintzailetza bultzatzea Beterri-Buruntza Mankomunitateko lan ardatz garrantzitsua da. Ildo honetan, egoera sozio-ekonomiko berriei erantzungo diten proiektu lehiakorrak sustatu nahi ditugu.
Ondorioz, ekintzailetza zerbitzuko helburuak honakoak dira:
Enpresa ideia berriak abian jartzea
Enpresa berriak lehiakor izan daitezen baliabideak eskaintzea
Ekintzaileak eta beraien lanaren balioa azpimarratzea
Zure enpresa sortu nahi duzu?
Bidelagun izango gara ekintzailetza bide osoan, ideia duzunetik enpresa martxan jartzen duzun arte. Horretarako hainbat zerbitzu ditugu zure eskura.
Zertan lagunduko zaitugu?
Kosturik gabeko aholkularitza pertsonalizatua eta orientazioa zure enpresa sortzeko garaian.
ELKARLANERAKO ESPAZIOA ETA BALIABIDEAK
Beterri-Buruntza eskualdean zure jarduera finkatzeko aukera eskaintzen dizugu Iturola eskualdeko coworking publikoan.
Profesional eta entitate ezberdinek beren eguneroko jarduna garatzeko espazio egokituak ditugu: bulego partekatua, bilera gelak, formazio gela, areto nagusia, egongela eta sukaldea, armairuak, postontziak, internet konexioa, fotokopiagailua eta inprimagailua, eskanerra, garbiketa zerbitzua, segurtasun sistema eta abar.
Informazio gehiagorako: www.iturola.eus
